Lyrics: Aye Mere Watan Ke Logo

aye mere vatan ke logon
tum khoob laga lo naara
ye shubh din hai ham sab ka
lahara lo tiranga pyaara
par mat bhoolo seema par
veeron ne hai praan ganvaaye
kuch yaad unhein bhi kar lo -2
jo laut ke ghar na aaye -2

aye mere vatan ke logon
zara aankh mein bhar lo paani
jo shaheed hue hain unki
zara yaad karo qurbaani

jab ghayal hua himaalay
khatre mein padi aazadi
jab tak thi saans lade vo
phir apni laash bichha di
sangeen pe dhar kar maatha
so gaye amar balidaani
jo shaheed...

jab desh mein thi diwali
vo khel rahe the holi
jab ham baithe the gharon mein
vo jhel rahe the goli
the dhanya javaan vo aapane
thi dhanya vo unaki javaani
jo shaheed ...

koi sikh koi jaat maraatha
koi gurakha koi madaraasi
sarahad pe maranevaala
har veer tha bhaaratavaasi
jo khoon gira parvat par
vo khoon tha hindustaani
jo shaheed...

thi khoon se lath-path kaaya
phir bhi bandook uthaake
das-das ko ek ne maara
phir gir gaye hosh ganva ke
jab ant-samay aaya to
kah gaye ke ab marate hain
khush rahana desh ke pyaaron
ab ham to safar karate hain
kya log the vo deewane
kya log the vo abhimaani
jo shaheed...

tum bhool na jaao unko
is liye kahi ye kahaani
jo shaheed...
jay hind jay hind ki sena -2
jay hind, jay hind, jay hind