menu

Lyrics: Lang Leve Minzelvn

Song: Lang Leve Minzelvn
Released: 1994
Rating: 79.0 out of 100Please log in to rate this song.
Lang Leve Minzelvn lyrics
Leve de wûvjes

Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza

'k skryvve tekstn ip papier lik da nen dekstier koein pakt, me pak en zak trekke 'k ik d'rip ût, en 'k slûte 'n pact met d'n dûvle, ik ben nie zûvre, weh nink, 'k zwère 't u 'k ben gin nen achterblûvre, 'k lwôpe vwôrn bie ol de vwôse gassn die achterkommn, 'k komm'ût de lucht lik bommn en 'k dale recht ip myn doel of zonder hesitoatie, en 'k verwôrzoake nwoi geziene destructie.
begunnend'MC's kommn bie mie achter instructie, ze kunn'n nie zonder myn instructies, 't zyn constructies, 'k zorge 'k ik voe de fluctie ip de beurze, en ol da geld kom noa mie zonder reductie. W'aan ne kji een stapke in 't hof van commerce, buzza en cauwelier smytn ip lik zwoar bier, kom môr ier en we skippn j'n ol in 't vagevier en ge brad in eign nat zonder veel vertier.

Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is, emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza

Bwôse gassn, masturbastn, probeern mie dageliks te vergassn en spastn die under nie wassn probeern mie lyfstraffn an te passn, mô 'k ben ongevoelig voe lichaamlik zjir, 'k è gin oasme nwôdig, 'k kan teegn de kôude lik nen ysbèr. Lang leve mynzelvn, begunt u putje mô te delvn. Ge kun mie nog nie andoen woard'je met een stik of elvn, of met een stik of onderd, ge kiek lik zwô verwonderd, lik zwyns in quarantaine wèrd je gie ofgezonderd van de reste van de meute, g'è nog niet te veel leute. 'k smwôr'u ip in myn pûpe en 'k overgiet'u me gloeinde geute. Ge ligt te kronkeln van de pyne, ge nè gin overskeute. G'è gin piepte tussn u bjinn mô 'n dikke vette preute.
'k è nog mjir volglingn dan missionoaris ip nen missie, 'k bekjirre mjir ketters dan Franciscus van Assissi, 'k zoe liegn moest'k zeggn da'k niet è teegn de politie en 'k è minder slichte raps dan LP's van ACDC

Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza

Gjille daagn an een stik goa'k der vwôrn tût ip 't bjin, 'k smyte ne stjin ip joen tjinn'n en ge begunt te jankn lik gin jin. Brokke verskjin, da goa'j zyn, 'k ben nog zeurder of azyn. 'k mjir lynn in myn magazyn dan mandaryn vitamynn en da zyn der vele, d'instrumentn da 'k ik spele volln te telln ip nul vingers. 'k leze gin boekskes van Rick Ringers. en dad e nû d'historie, 'k vertelle't in euforie, zwôlange da 'k blûve reppn, goa 'k ik leevn in gods glorie, weh joak, de goede god es me my en kyndje Jezus, zeevnentneegntig, 't hof van commerce, ik kieze myn moatn zelve

Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza

Sponsored Links

Tags on Lang Leve Minzelvn

Login to add tags.

Popularity Lang Leve Minzelvn

Apr
2023
May
2023
Jun
2023
Jul
2023
Aug
2023
Sep
2023
Oct
2023
Nov
2023
Dec
2023
Jan
2024
Feb
2024
Mar
2024

Review this song:



To make sure you're not an annoying spambot, please give the correct answer to this calculation:
an an an =

Reviews Lang Leve Minzelvn

No reviews yet! Be the first to make a contribution!
Moron.nl Guide

Still haven't found what you're looking for?