Lyrics: De Verefninge

Jongens van plezier, 't hof van commerce, met ik, den beatlevrancier, de pionier in de dingn da 'k doe me buzza, 'j legd were jin toe. Nû nog ip de grond, sûbyt in de lucht, de Izzegem-connectie, dad e ginne klucht. 'k pakke't u nie kwalik ô'j verzucht, we zyn berucht, teure nie gan slaapn zonder une lucht, want ik ben de stafchef van 't leger van commerce, ik perse ol myn vijandn of, 'k verbanne ze noa d'eilandn desnwôds, ze goan noa doa met d'n bwôt. Jin vwô jin wèrdn z'ofgeslacht dommeklwôtn en tôn vliegn z'in de vljismeulne, achter da 'k ze zorgvuldig in stikkn è gezoagd. Noem mie mô nen beul of noem mie mô de bjiste, 't e vwô 't hof van commerce da'j wèrd gedaagd

'k liep'overlatst over stroate en wie kwam 'k doa teegne, en 't wo joen dikke moedre. Kom ze doa noa mie, ze begoste lik te zoagen mô 'k è der nie van gwôrd want 'k koste nie verdroagn da z'in myn richtinge stond t'oasmen. 't wo lik goaze da 'k in myn oanzichte krjigge. 'k zwjigge lik vermwôrd, 'k woare der subwôrd van aangedoan, de bjistn en de plantn vergoan woa da ze zy passeert. De grond beeft onder eur gewichte 'k verzwichte onder de stank, ofgeskeidn deur eur zwjitkliern, de stiern zien eur wel zittn, de dikke koe, ge moe ze zien zwoegn ô ze moe wandeln oe'j 't ol wandeln keun noemn. U moeder es zwô ljillik, ôu't rynt, 't rynt ter nevenst. U moeder es zwô dikke da ze vet goa gan geevn in de vetbank voe de dee die te mager zyn. J'moeder kan sagrittn rolln met eur onderkinn'n

Ei, Flip Cauwlier, roept je mie, ik stoa ier in 't vagevier, nie blusboar deur den bestn pompier of nen brandweerofficier van 't korps van Izeggem, ik benne nie te temmn deur ne verkjirsbrigadier. 'k wete nie oe lange dat da spel ier nû ol deurt, 'k wete nie oeveel lyk'n da 'k ik è weggesleurd, 'k wete nie woarom da'j gie nie zwô slim zyt lik mie, weet je da'j te doen èt met'n onglwôflik genie.
'k zôu zeker beter nie begûnn reppn over u voadre, van j'e nog veel slichter dan j' moedre en da wos ol zwô slicht, in 't gesticht zittn der gassn die zûverder zyn dan gie mô minder dan ik, oe es 't toch meugelik? 'k ben kloarder of Spa, 'k rie beter dan Loix, zelfs Claude François wo minder bekend dan buzza. D'n beroemdstn van ol'male en wok de slimstn, niet te vergeetn, de skwônstn, dus begun mô niet te trintsn